بسم الله الرحمن الرحيم
النهاردة هنتكلم ازاى تحقق اكبر استفادة من معرض الكتاب القادم باذن الله
1- اول حاجة هتعملها هو انك تبتدى تجمع فلوس لشراء الكتب من المعرض القادم
2- متنساش الهيئة العامة المصرية للكتاب هتلاقى ليها اكتر من جناح فى المعرض القادم ان شاء الله بتكون اسعار الكتب رخيصة جدا لانها بتكون مدعمة من الدولة وبتكون مفيدة جدا جدا وهتلاقى هناك كتب متنوعة ما بين ادبية وعلمية وتاريخية وسيرة ذاتية بتتراوح اسعار الكتب هناك ما بين 2 جنيه و 10 جنيه وفى اكتر واقل بس فى المجمل الاسعار رخيصة تخيل مثلا انك ممكن تلاقى كتاب ب 10 ج ويكون 800 صفحة !!
3- هتلاقى برده هناك جناح للجامعة الامريكية متنساش تعدى عليه هتلاقى كتب باللغة الانجليزية وعليها تخفيضات عالية جدا وقيمة جدا
4- جهز لنفسك ليستة بالكتب والروايات الى عاوز تشتريها قبل ما تروح عشان متلفش ع الفاضى وتقدر تعرف اخر اخبار معرض الكتاب عن طريق الصفحة ده (من هنا)
5- روح على اجنحة دور النشر ممكن تلاقى هناك تخفيضات الشروق بتعمل تخفيضات عالية ما بين 10 % ل 50 % !!
6- انزل مع المجموعات الثقافية مثلا انزل مع جروب عصير الكتب هتتعرف هناك على ناس جميلة جدا بتحب تساعد ومين عارف يمكن يكون ليك نصيب فى كتب هدية !!
وبنتمنى اننا نكون قدرنا نفيدكم :) فريق عمل اتعلم ثقافة ومنتظرين الردود والاقتراحات
اضغط على السمايل للحصول على الكود: :) =( :s :D :-D ^:D ^o^ 7:( :Q :p T_T @@, :-a :W *fck* x@