بسم الله الرحمن الرحيم

النهاردة هنتكلم عن احد اهم مواقع التواصل الاجتماعى بشكل عام وهو موقع متخصص بالكتب وهو موقع goodreads طبعا هو موقع غنى عن التعريف للكثير منا ولكن لمن لم يعرفه حتى الان ليه تشترك فى goodreads سواء كنت كاتب او قارئ

كقارئ هتستفاد ايه ؟!
1- هتقدر تلاقى اى كتاب انت قريته وهتقدر تديله تقييم معين حسب رئيك الشخصى
2- هيكون بمثابة ارشيف للكتب الى قريتها قبل كده ومذكرة لترتيب الكتب الى بتفكر او عاوز تقراها
3- من خلال صداقاتك على goodreads هتقدر تتابع بشكل دائم ومستمر اصحابك بيقراو ايه وارائهم فى الكتب الى بيقراوها
4- هتقدر ترشح لاصحابك الكتب الى بتفضلها
5- هتقدر تقسم الكتب الى قريتها فى shelves وده كانك عملت عملية فهرسة وترتيب للكتب بالشكل الى انت عاوزه
6- فى قاعدة كبيرة من الكتب الالكترونية الى سمح كتابها بوجود نسخ الكترونية منها مجانا
7-هتقدر تتحدى وتشجع نفسك على القراءة من خلال برنامج التحدى الى بيتعمل كل اول سنة والى بتحدد من خلاله هدفك فى السنة ده انك تقرا كام كتاب
8- قبل ما تشترى كتاب وانت مش عارف هل هو جيد ولا لا هتقدر تاخد على الاقل اراء شريحة من الاشخاص الى قراوا الكتاب وتعرف ارائهم فيه وتقدر تبنى فكرة مبدئية عن الكتاب
9- الموقع تقدر تعرف من خلاله احصائيات كاملة عن الى قريته عدد الكتب وعدد الصفحات واغلبية الكتب تم تاليفها فى اى فترة زمنية
10- الموقع ليه app خاص بيه على ال smart phones فبالتالى ممكن استخدامه بسهولة ومن اى مكان وفى اى وقت

وفى مميزات تانية كتير تقدر تكتشفها بنفسك

التقييم العام للموقع من وجهة نظر فريق عمل اتعلم ثقافة هو 8 من 10 وده لان الموقع لسة محتاج بعض التطويرات اكتر من كده وبشكل عام هو مفيد جدا ولا غنى عنه بالنسبة للقارئ

ازاى يتم عملية التسجيل ونبذة من الامكانيات الى تم ذكرها هتتابع الفيديو ده 

بالنسبة للكتاب فهو ليه مميزات عديدة جدا ده غير برنامج ال author Program  الخاص بالموقع والى فوائده عديدة جدا هتحتاج موضوع تانى عشان نتكلم عنه قريبا ان شاء الله فتابعونا :) ومتنسوش التعليقات